رباط السالفة عليكم - 7 - مطي ب900 الف دينار

[Paules]

اكو  فد واحد مرشح بأيام  لانتخابات  - مر  على  بيت  فقير  و گعد  يمه .
و گلة :  حجي  اني  اجيت  يمك و اريدك  تنتخبني  و هاي 100 الف دينار مقدما
صفن الحجي  و گلة :  لا عمي اني ماريد  ال 100 الف دينار - اذا  تقدر اشتريلي  مطي .
استغرب  صاحبنا من الطلب و  سئل  الحجي  :  ليش ؟؟
بس  گال  مو مشكلة .
ثاني  يوم  راح لعلوة الحيوانات وسئل على  سعر  المطي  و گلولة  اقل  مطي  ب 900 الف دينار .
جان يرجع للحجي  و گلة : اقل  مطي  ب 900 الف دينا  و اذا  انت  بوحدك تاخذ  900 الف  شلون اقدر اجمع 20 الف صوت ؟  و بيش  يصير  الحساب ؟
و هيجي  هوايا  مأقدر .

جان يلتفت عليه الحجي  و يگلة : اني  ردت مطي اصعد على  ظهرة  تگول ب 900 الف ؟
شلون تريد تصعد على  ظهري ب 100 الف ؟؟؟؟


على الاقل انطيني سعر المطي حتى اگول  ما مغلوب .