هنيالكم أهل برطلة على القرار 91.. عمي شكو عليكم .. أيدكم بالدهن !!

[برطلي دوت نت]

هنيالكم أهل برطلة على القرار 91.. عمي شكو عليكم .. أيدكم بالدهن !!   

سيدوري اوروك


القرار رقم (91) الصادر بتأريخ 4/6/2012 عن مجلس ناحية برطلة لازم ينحفظ كوثيقة تأريخية تشهد على مدى التطور والتقدم والرفاهية والبطر اللي ده يعيشوها العراقيين بهذا العصر ، يعني تنحفظ مثل مسلة حمورابي اللي هي همينة شاهد على مدى التطور والرقي في العصر البابلي في العراق .. أني من قريت القرار عبالي قرار صادر عن بلدية باريس لو بلدية جنيف لو بلدية موناكو أو بلدية وحدة من المدن اللي قوانينها تحترم مو بس حقوق الأنسان وأنما تتضمن فقرات بيها حقوق للحيوانات ، ولو أنو هاي الدول وبسبب الركود الأقتصادي اللي ده تمر بيه ما راح تفكر وتتجرأ تصّدر هيج قرار ، بس أحنا عدنا مسؤولين شجعان ورفاهية مفرطة لدرجة تخليهم يتجرأون يصدرون قرار مثل القرار 91 .. هذا القرار التأريخي ينص على أقامة مشروع سكني في ناحية برطلة (أؤكد ناحية مو عاصمة) يتضمن أنشاء 1000 وحدة سكنية بضمنها عمارات متعددة الطوابق (غير فهيم اللي كتب نص القرار يعني هي ما دام عمارة فأكيد متعددة الطوابق، هاي مثل كولة عادل أمام رقاصة وبترقص) ، أضافة الى مول تجاري وسوبر ماركت ومجمع تسويقي ومبنى صحي ومحطة وقود وقاعة مناسبات ومكتبة عامة ومقهى مسقف وحضانة وروضة أطفال ومدرسة أبتدائية وبس !! الله برطلة راح تصير (المدينة الفاضلة) !! ما أدري شنو ها الأهتمام المفاجىء ببرطلة !! يمعودين على كيفكم وياهم يعني مول تجاري وسوبر ماركت ومجمع تسويقي وقاعة مناسبات ومقهى مسقف كلها مرة وحدة ترى كلش صعبة ، هسة لو باديها بسوبر ماركت وورا جم سنة مول بيها باب وجواب .. بس كلها مرة وحدة كلش واكفة وتحتاج لوكفة وصفنة ولو انو أحنا صرنا ننافسه لأبو صابر بالصفنات من كثر دكات حكومتنا الغريبة والعجيبة ..
والله ما جان أعترضت على القرار لو على الوحدات السكنية والمركز الصحي والمدارس وحتى لو فد سوبر ماركت ، المكتبة همينة جان بلعناها ولو ان بغداد عاصمة العراق كلها لو بيها مكتبة وحدة لو ما بيها ، لو أنقرضت المكتبات الله أعلم !! بس مول تجاري ومجمع تسويقي ما دا أعقلها وما ده أتصورها ، يعني هلكد صار عدنا رفاه أقتصادي بحيث كمنا نبني مولات بالنواحي والقرى والأرياف!! المول التجاري يعني فروع لشركات عالمية أغلبها متخصصة في مجال الأزياء والأكسسورات والمجوهرات والعطور والكماليات تعرض بضائعها على أناس مرفهين وتبحث عن سوق قوي ، ما تكلي مثلا أبو كريستيان ديور لو أبو أرماني لو أبو شانيل شراح يسوي مفتح ببرطلة .. بمنطقة نائية بشمال العراق؟؟ وشكد راح يسوق من بضائع !! لو همينة راح نعرض بالمول نعالات وأنجانات ودولكات بلاستيك ساخت أيران ! يعني باجر مو غريبة نسمع عن أنشاء مجمع دولي للتبادل النقدي بالجبايش لو مجمع ترفيهي سياحي بنكرة سلمان لو مجمع دولي للتطوير العقاري في قرية عين الحصان الشمالية!! مجمع تسويقي!! شنو برطلة صارت مدينة صناعية وبيها مصانع ومعامل والمنتوجات تكدست هناك ومحتاجين بس منفذ حتى يسوقون!!
كله كوم والمقهى المسقف كوم ، بعد شتريدون أهل برطلة أيدكم بالدهن همينة مقهى وهمينة مسقف ، ناقص بس أركيلات ، يعني أنت أغدقت على أهل برطلة بالرفاهية فليش ما تبنيلهم مقهى مسقف ومقهى بدون سقف ، واحد شتوي وواحد صيفي ، حتى يتونسون صيف وشتا .. ما دام راح يتبطرون فخلي يتبطرون زين ومن صدك بصاية حكومتنا وبصاية القرار رقم 91.. هاي منا وجاي ما راح نطلب لجوء لبلدان الغرب .. كلنا راح نطلب لجوء لبرطلة ما دام كل هالخدمات والرفاهية بيها ..
طبعا" العراقيين يستحقون كل هاي الخدمات وأكثر منها وأكثر من غيرهم لأن العراقيين متعلمين بالأصل على العز ولأن العراق بلد خيرات ، بس الموضوع متعلق بالأولويات ..
محافظة نينوى اللي كانت معروفة برصانتها وجديتها ودقتها وهيبتها اليوم يديروها هيج شكولات ويصدرون هيج قرارات مضحكة ومخزية ، صدك صارت مزعطة ، يعني ماكو أحد عاقل راجع هذا القرار وكال عيب علينا نحجي عن مولات وسوبر ماركتات وأحنا كهرباء بعدنا ما موفريها للعالم ، ماكو شريف كال عيب علينا نجيب طاري قاعة مناسبات ومقاهي مسقفة وأحنا بعدنا الأمن والأمان ما موفريه ، اللي صاغوا هذا القرار خلي يرحون ويدرسون ويطلّعون على حياة النيدرتال (أني صرت كلش أحبه وأحترمه للنيدرتال خاصة من أقارنه بالمسؤولين التكنوقراط في حكومتنا) وراح يشوفون أنو بالبداية النيدرتال أكتشف النار وأستخدمها للتدفئة والأضاءة ، وبعدين أكتشف الزراعة وكام يفكر بالأستقرار وبناء القرى ، يعني جان أكثر تكنوقراط من جماعتنا ، اللي صدروا القرار 91 خلي يسوون مثل جدنا النيدرتال ، أول شي وفروا الكهرباء وبعدين فكروا بتعمير مولات ، روحوا أطلعوا على نظرية (تدرج الحاجات) لأبراهم ماسلو وغيره من العلماء حتى تعرفون تخلون الأولويات من ترسمون خطة التطوير وتقديم الخدمات للبشر.. هرم ماسلو اللي يكول بأن الحاجات الأساسية اللي المفروض تتوفر للأنسان واللي هي بقاعدة الهرم هي أولا الحاجات الفسيولوجية (الطعام ، الماء ، النوم ، الجنس – حلوة هاي مال الجنس راح يكيفون عليها مسؤولينا بس أكيد حضرتهم وحصرا" راح ينشملون بالتطوير بهذا الجانب مثل شغلة المخصصات والأمتيازات) وبعدين حاجات الأمان (السلامة الجسدية من العنف والاعتداء والأمن الوظيفي والأسري والصحي والممتلكات) ، وعود بعدين الحاجات الأجتماعية مثل المولات والمقاهي المسقفة ، مو بادي بالمول والشباب يتخرجون وماكو فرص عمل لو بادي بمقهى وأنت يوميه أجاك الذيب وأجاك الواوي ، لو همينة المقهى والمول راح تحيطه بحواجز كونكريت ..
الغريب هو أنو لما أعترضوا أهالي برطلة على هذا القرار وطالبوا بالغاءه ، أستغرب السيد قصي عباس (فهيم وعبقري مجلس محافظة الموصل) وكال : شلون يطالب الأخوة المسيحيين باستحداث محافظة في سهل نينوى وبنفس الوقت يعترضون على تطوير هذه المنطقة وبناء الشقق وتطوير الحركة العمرانية والتطور الاقتصادي فيها وهذه مفارقة يجب أن نقف عندها !! أوكف عدها عيني ليش ما توكف .. أوكف وغني واكف على المسعودي وأحنا نكلك أمان أمان .. بس أني ما راح أخليك توكف هواية حرصا" على وقتك الكلش ثمين واللي مجلس محافظة الموصل بحاجة شديدة اليه .. الأخوة المسيحيين من طلبوا أستحداث محافظة بسهل نينوى ما طلبوا هذا الطلب لأن كانوا محتاجين مولات ومقاهي مسقفة وسوبر ماركتات ، هاي الأمور متوفرة بدول الغرب والمسيحيين الباقين بالعراق حالهم حال بقية العراقيين كانوا يكدرون يتركون العراق ويطلبون لجوء الى هاي البلدان ويتونسون بالمولات بدل ما تمن عليهم حضرتك ، المسيحيين الباقين بالعراق باقين حبا" بالعراق ، حب خالص مخلص نقي .. ما محصلين لا أمتيازات ولا حقوق ومهددين من الميليشيات ومن الأرهابيين ومع ذلك متمسكين بأرض العراق ، المسيحيين ما طالبوا بمحافظة الا بعد أن هدمت كل كنائسهم على روسهم مع أنو ما كانوا لا يسبون ولا يلعنون أحد بكنائسهم ، ما يدعون ويطلبون من الله غير السلام للعراق ولكل العراقيين ، المسيحيين ما طالبوا بمحافظة الا بعد أن تم تهجيرهم من مناطقهم بالبصرة والموصل وبغداد ، والأهم من ذلك أنو المسيحيين ما كان طالبوا بمحافظة لو ما العرب والأكراد شيعة وسنة شالوا السكين وبدوا يقطعون العراق ويوزعوه ، مثلا بالعرس محد يقترب من كيكة العرس والكل كاعد بعيد يتفرج الى أن يخلي العريس والعروس السكينة عليها ويكصوها ، وراها الكل يحّضر ماعونه وينتظر حصته ، لو أنت قصي أفندي ترست ماعونك وتريد المسيحيين ينطوك ماعونهم ويكولولك بالعافية..
نصيحة أخيرة للسيد قصي عباس : في المستقبل من تتحدث عن توزيع الأراضي حسب مسقط الرأس تذكر أنو هواية من المسيحيين اللي موجودين الآن في شمال العراق مسقط رأسهم في الموصل وبغداد والبصرة ولكن الدستور اللي تتغنى به ما حماهم وأضطروا لترك مسقط رأسهم ، يعني من تصير بلديتك ومحافظتك قوية وقادرة على حماية الدستور وتطبيق فقراته .. ذاك الوقت أتعكز عليه ، ومرة ثانية من تضرب مثل حول موضوع (توزيع الأراضي حسب مسقط الرأس) يا ريت تكون شوية عقلاني ومو تكول (الأخوة المسيحيون من الذين مسقط رأسهم في النجف الأشرف وكربلاء وفي البصرة فهل يحق لأي شخص أن يقول للمسيحي لن نعطيك قطعة أرض لأنه لدينا خصوصية دينية ومذهبية) ، ليش كم مسيحي مسقط رأسه بالنجف؟ وهذا كم مسيحي قدم طلب تمليك أرض بكربلاء ؟ واللي مسقط رأسهم بالبصرة كدروا يبقون بيها!! أحنا بيوتنا ملكنا أنطردنا منها وأنت تكولي أكو أحد يرفض يعطيكم قطة أرض !! وبعدين دستورك هذا ترى ولا عراقي يشتريه بفلس لأن من رئيس الجمهورية ورئيس الوزراء وأنت نازل ضاربيه عرض الحائط وما معبريه ، ودستورك هذا هو اللي ده يكول (الأغلبية هي اللي الها الحق أن تحكم) وهذا اللي ده يصير ويتطبق بالحكومة المركزية وحيث أنو الأغلبية في برطلة مسيحيين فحسب دستورك الكلمة لازم تكون كلمتهم ..
مرة اللخ مسؤولينا من يريدون يصرحون بموضوع توزيع الأراضي والحقوق يا ريت فد كورس تأريخ وفد كورس جغرافية وفد كورس وطنية وبعدين يبدون يصرحون.. بس المشكلة وين الشريف اللي راح يستوعب ويطبق!!

siduri_uruk66@yahoo.com



http://www.almawsil.com/vb/showthread.php?t=110740

[ماهر سعيد متي]

هنيالكم أهل برطلة على القرار 91.. عمي شكو عليكم .. أيدكم بالدهن !!
سيدوري اوروك
الأحد، 24 حزيران، 2012 الساعة 02:37[/size]
القرار رقم (91) الصادر بتأريخ 4/6/2012 عن مجلس ناحية برطلة لازم ينحفظ كوثيقة تأريخية تشهد على مدى التطور والتقدم والرفاهية والبطر اللي ده يعيشوها العراقيين بهذا العصر ، يعني تنحفظ مثل مسلة حمورابي اللي هي همينة شاهد على مدى التطور والرقي في العصر البابلي في العراق .. أني من قريت القرار عبالي قرار صادر عن بلدية باريس لو بلدية جنيف لو بلدية موناكو أو بلدية وحدة من المدن اللي قوانينها تحترم مو بس حقوق الأنسان وأنما تتضمن فقرات بيها حقوق للحيوانات ، ولو أنو هاي الدول وبسبب الركود الأقتصادي اللي ده تمر بيه ما راح تفكر وتتجرأ تصّدر هيج قرار ، بس أحنا عدنا مسؤولين شجعان ورفاهية مفرطة لدرجة تخليهم يتجرأون يصدرون قرار مثل القرار 91 .. هذا القرار التأريخي ينص على أقامة مشروع سكني في ناحية برطلة (أؤكد ناحية مو عاصمة) يتضمن أنشاء 1000 وحدة سكنية بضمنها عمارات متعددة الطوابق (غير فهيم اللي كتب نص القرار يعني هي ما دام عمارة فأكيد متعددة الطوابق، هاي مثل كولة عادل أمام رقاصة وبترقص) ، أضافة الى مول تجاري وسوبر ماركت ومجمع تسويقي ومبنى صحي ومحطة وقود وقاعة مناسبات ومكتبة عامة ومقهى مسقف وحضانة وروضة أطفال ومدرسة أبتدائية وبس !! الله برطلة راح تصير (المدينة الفاضلة) !! ما أدري شنو ها الأهتمام المفاجىء ببرطلة !! يمعودين على كيفكم وياهم يعني مول تجاري وسوبر ماركت ومجمع تسويقي وقاعة مناسبات ومقهى مسقف كلها مرة وحدة ترى كلش صعبة ، هسة لو باديها بسوبر ماركت وورا جم سنة مول بيها باب وجواب .. بس كلها مرة وحدة كلش واكفة وتحتاج لوكفة وصفنة ولو انو أحنا صرنا ننافسه لأبو صابر بالصفنات من كثر دكات حكومتنا الغريبة والعجيبة ..
والله ما جان أعترضت على القرار لو على الوحدات السكنية والمركز الصحي والمدارس وحتى لو فد سوبر ماركت ، المكتبة همينة جان بلعناها ولو ان بغداد عاصمة العراق كلها لو بيها مكتبة وحدة لو ما بيها ، لو أنقرضت المكتبات الله أعلم !! بس مول تجاري ومجمع تسويقي ما دا أعقلها وما ده أتصورها ، يعني هلكد صار عدنا رفاه أقتصادي بحيث كمنا نبني مولات بالنواحي والقرى والأرياف!! المول التجاري يعني فروع لشركات عالمية أغلبها متخصصة في مجال الأزياء والأكسسورات والمجوهرات والعطور والكماليات تعرض بضائعها على أناس مرفهين وتبحث عن سوق قوي ، ما تكلي مثلا أبو كريستيان ديور لو أبو أرماني لو أبو شانيل شراح يسوي مفتح ببرطلة .. بمنطقة نائية بشمال العراق؟؟ وشكد راح يسوق من بضائع !! لو همينة راح نعرض بالمول نعالات وأنجانات ودولكات بلاستيك ساخت أيران ! يعني باجر مو غريبة نسمع عن أنشاء مجمع دولي للتبادل النقدي بالجبايش لو مجمع ترفيهي سياحي بنكرة سلمان لو مجمع دولي للتطوير العقاري في قرية عين الحصان الشمالية!! مجمع تسويقي!! شنو برطلة صارت مدينة صناعية وبيها مصانع ومعامل والمنتوجات تكدست هناك ومحتاجين بس منفذ حتى يسوقون!!
كله كوم والمقهى المسقف كوم ، بعد شتريدون أهل برطلة أيدكم بالدهن همينة مقهى وهمينة مسقف ، ناقص بس أركيلات ، يعني أنت أغدقت على أهل برطلة بالرفاهية فليش ما تبنيلهم مقهى مسقف ومقهى بدون سقف ، واحد شتوي وواحد صيفي ، حتى يتونسون صيف وشتا .. ما دام راح يتبطرون فخلي يتبطرون زين ومن صدك بصاية حكومتنا وبصاية القرار رقم 91.. هاي منا وجاي ما راح نطلب لجوء لبلدان الغرب .. كلنا راح نطلب لجوء لبرطلة ما دام كل هالخدمات والرفاهية بيها ..
طبعا" العراقيين يستحقون كل هاي الخدمات وأكثر منها وأكثر من غيرهم لأن العراقيين متعلمين بالأصل على العز ولأن العراق بلد خيرات ، بس الموضوع متعلق بالأولويات ..
محافظة نينوى اللي كانت معروفة برصانتها وجديتها ودقتها وهيبتها اليوم يديروها هيج شكولات ويصدرون هيج قرارات مضحكة ومخزية ، صدك صارت مزعطة ، يعني ماكو أحد عاقل راجع هذا القرار وكال عيب علينا نحجي عن مولات وسوبر ماركتات وأحنا كهرباء بعدنا ما موفريها للعالم ، ماكو شريف كال عيب علينا نجيب طاري قاعة مناسبات ومقاهي مسقفة وأحنا بعدنا الأمن والأمان ما موفريه ، اللي صاغوا هذا القرار خلي يرحون ويدرسون ويطلّعون على حياة النيدرتال (أني صرت كلش أحبه وأحترمه للنيدرتال خاصة من أقارنه بالمسؤولين التكنوقراط في حكومتنا) وراح يشوفون أنو بالبداية النيدرتال أكتشف النار وأستخدمها للتدفئة والأضاءة ، وبعدين أكتشف الزراعة وكام يفكر بالأستقرار وبناء القرى ، يعني جان أكثر تكنوقراط من جماعتنا ، اللي صدروا القرار 91 خلي يسوون مثل جدنا النيدرتال ، أول شي وفروا الكهرباء وبعدين فكروا بتعمير مولات ، روحوا أطلعوا على نظرية (تدرج الحاجات) لأبراهم ماسلو وغيره من العلماء حتى تعرفون تخلون الأولويات من ترسمون خطة التطوير وتقديم الخدمات للبشر.. هرم ماسلو اللي يكول بأن الحاجات الأساسية اللي المفروض تتوفر للأنسان واللي هي بقاعدة الهرم هي أولا الحاجات الفسيولوجية (الطعام ، الماء ، النوم ، الجنس – حلوة هاي مال الجنس راح يكيفون عليها مسؤولينا بس أكيد حضرتهم وحصرا" راح ينشملون بالتطوير بهذا الجانب مثل شغلة المخصصات والأمتيازات) وبعدين حاجات الأمان (السلامة الجسدية من العنف والاعتداء والأمن الوظيفي والأسري والصحي والممتلكات) ، وعود بعدين الحاجات الأجتماعية مثل المولات والمقاهي المسقفة ، مو بادي بالمول والشباب يتخرجون وماكو فرص عمل لو بادي بمقهى وأنت يوميه أجاك الذيب وأجاك الواوي ، لو همينة المقهى والمول راح تحيطه بحواجز كونكريت ..
الغريب هو أنو لما أعترضوا أهالي برطلة على هذا القرار وطالبوا بالغاءه ، أستغرب السيد قصي عباس (فهيم وعبقري مجلس محافظة الموصل) وكال : شلون يطالب الأخوة المسيحيين باستحداث محافظة في سهل نينوى وبنفس الوقت يعترضون على تطوير هذه المنطقة وبناء الشقق وتطوير الحركة العمرانية والتطور الاقتصادي فيها وهذه مفارقة يجب أن نقف عندها !! أوكف عدها عيني ليش ما توكف .. أوكف وغني واكف على المسعودي وأحنا نكلك أمان أمان .. بس أني ما راح أخليك توكف هواية حرصا" على وقتك الكلش ثمين واللي مجلس محافظة الموصل بحاجة شديدة اليه .. الأخوة المسيحيين من طلبوا أستحداث محافظة بسهل نينوى ما طلبوا هذا الطلب لأن كانوا محتاجين مولات ومقاهي مسقفة وسوبر ماركتات ، هاي الأمور متوفرة بدول الغرب والمسيحيين الباقين بالعراق حالهم حال بقية العراقيين كانوا يكدرون يتركون العراق ويطلبون لجوء الى هاي البلدان ويتونسون بالمولات بدل ما تمن عليهم حضرتك ، المسيحيين الباقين بالعراق باقين حبا" بالعراق ، حب خالص مخلص نقي .. ما محصلين لا أمتيازات ولا حقوق ومهددين من الميليشيات ومن الأرهابيين ومع ذلك متمسكين بأرض العراق ، المسيحيين ما طالبوا بمحافظة الا بعد أن هدمت كل كنائسهم على روسهم مع أنو ما كانوا لا يسبون ولا يلعنون أحد بكنائسهم ، ما يدعون ويطلبون من الله غير السلام للعراق ولكل العراقيين ، المسيحيين ما طالبوا بمحافظة الا بعد أن تم تهجيرهم من مناطقهم بالبصرة والموصل وبغداد ، والأهم من ذلك أنو المسيحيين ما كان طالبوا بمحافظة لو ما العرب والأكراد شيعة وسنة شالوا السكين وبدوا يقطعون العراق ويوزعوه ، مثلا بالعرس محد يقترب من كيكة العرس والكل كاعد بعيد يتفرج الى أن يخلي العريس والعروس السكينة عليها ويكصوها ، وراها الكل يحّضر ماعونه وينتظر حصته ، لو أنت قصي أفندي ترست ماعونك وتريد المسيحيين ينطوك ماعونهم ويكولولك بالعافية..
نصيحة أخيرة للسيد قصي عباس : في المستقبل من تتحدث عن توزيع الأراضي حسب مسقط الرأس تذكر أنو هواية من المسيحيين اللي موجودين الآن في شمال العراق مسقط رأسهم في الموصل وبغداد والبصرة ولكن الدستور اللي تتغنى به ما حماهم وأضطروا لترك مسقط رأسهم ، يعني من تصير بلديتك ومحافظتك قوية وقادرة على حماية الدستور وتطبيق فقراته .. ذاك الوقت أتعكز عليه ، ومرة ثانية من تضرب مثل حول موضوع (توزيع الأراضي حسب مسقط الرأس) يا ريت تكون شوية عقلاني ومو تكول (الأخوة المسيحيون من الذين مسقط رأسهم في النجف الأشرف وكربلاء وفي البصرة فهل يحق لأي شخص أن يقول للمسيحي لن نعطيك قطعة أرض لأنه لدينا خصوصية دينية ومذهبية) ، ليش كم مسيحي مسقط رأسه بالنجف؟ وهذا كم مسيحي قدم طلب تمليك أرض بكربلاء ؟ واللي مسقط رأسهم بالبصرة كدروا يبقون بيها!! أحنا بيوتنا ملكنا أنطردنا منها وأنت تكولي أكو أحد يرفض يعطيكم قطة أرض !! وبعدين دستورك هذا ترى ولا عراقي يشتريه بفلس لأن من رئيس الجمهورية ورئيس الوزراء وأنت نازل ضاربيه عرض الحائط وما معبريه ، ودستورك هذا هو اللي ده يكول (الأغلبية هي اللي الها الحق أن تحكم) وهذا اللي ده يصير ويتطبق بالحكومة المركزية وحيث أنو الأغلبية في برطلة مسيحيين فحسب دستورك الكلمة لازم تكون كلمتهم ..
مرة اللخ مسؤولينا من يريدون يصرحون بموضوع توزيع الأراضي والحقوق يا ريت فد كورس تأريخ وفد كورس جغرافية وفد كورس وطنية وبعدين يبدون يصرحون.. بس المشكلة وين الشريف اللي راح يستوعب ويطبق!!
siduri_uruk66@yahoo.com

http://www.almawsil.com/vb/showthread.php?p=622062

[ARAMI]

عاشت ايدك على المقالة الحلوة وشكرا استاذ ماهر على نقل المقالة
عسى ان يقراها بعض المسؤولين ويحسون على نفسهم على الرغم من علمنا بضيق وقتهم وان وقتهم اثمن من الذهب ولكن عسى....

[Paules]

انا  اقترح  على    عفوا  قصي عباس  ان يقيم ايضا  معسكر للاجئين الصوماليين في برطلة  حسب نظرية فيثاغورس  الخاصة  بمسقط الراس  ( كون اكثر من نصف الصوماللين من ابناء برطلة ) و على ان يتم استضافة الافغانيين المطرودين من هولندا و البوسنيين المطرودين من السويد  لان مسقط رأسهم  هم برطلة

اويلي  برطلة  صارت  قارة  مو ناحية 

  ياقصي : برطلة سريانية  رغما" عن انفك وبقوة المسيح