سمير جعجع رئيس حزب القوات اللبنانية : مجازر سيفو ١٩١٥ وقعت على الأرمن والسريان

بدء بواسطة Sami Attaalh, أبريل 30, 2021, 10:35:41 مسائاً

« قبل - بعد »

0 الأعضاء و 1 زائر يشاهدون هذا الموضوع.

Sami Attaalh

سمير جعجع رئيس حزب القوات اللبنانية : مجازر سيفو ١٩١٥ وقعت على الأرمن والسريان  ، ولايحق لك المزايدة على دماء شهداء  الارمن والسريان !؟



بِقلم : سامي عطاالله -بيروت
في البدايه يلي دفعني لكتابة هذا المقال هو هيدا الرابط :
https://ankawa.com/forum/index.php?topic=1015729.0

حقيقة صُدمت عندما وجدت خبر يقول ان سمير جعجع يستذكر مجازر ارمن وسريان يلي هن بالأصل "اراميين "  سكان تركيا الحالية ، الغريب والمعيب في الموضوع هو ان جعجع عم يزايد بدماء هالشعبين ويذكر فيها "كذب" ويخلط معهم طائفتين طالتهن هالمجازر وهيدا كذب كبير وقفز على الحقيقة ،  وقيام سمير جعجع لذكر طائفتين يلي  هُن /كلدان / و /آثوريين /  وحشرهن في تلك المجازر يلي حدثت بالارمن والسريان !!؟
شو بدك ياسمير جعجع ومشان شو هالتصريحات يلي ماسمعناها منك ياجعجع ، كله مشان ترضي السعودية يلي  عم تدعمك بكل شي احتى تضرب فيها تركيا المجرمة ، لهيك عم  تقوم  وترضي اسيادك بتصريحك وبتاجر بدماء شعبين اعطوا دماء وشهداء لقضيتهم ودفعوا ثمنها لأنهم مسيحيين اولاً ومن ثم لانهم أرمن وسريان عرقياً !؟

شو هالسنة ياسيد جعجع ، هل السعودية حليفتك وداعمتك رح تمنحك فيزا لحتى تروح للحج او لا !؟

https://www.zamanalwsl.net/news/article/90945/

نحنا اهل لبنان ادرى بشعبنا اكتر من الكِل ...عذراً من الارمن والسريان في تركيا اخوتنا بالكنيسة والعرق وهن  اهل الشأن والقضية ، وأنا عني وبالنيابة عن المارونيين يلي هنى سريان بالأصل ، بعتذر من اهل الشهدا والضحايا لأنه سمير جعجع اساء الهن وصادر حقوقن ..والافرض كان على سيد جعجع ان يهتم ويلتفت للأمور والمشاكل الإقتصادية الصعبة يلي عم تواجه لبنان بدلاً من ان يصدر بيان معظمه اخطاء واساءة لقدسية وتاريخ مجازر سيفو الأرمن والسريان  .

أشكر الكل والرحمه لشهدا سيفو الارمن والسريان