تحرير الأخبار:

تم تثبيت المنتدى بنجاح!

Main Menu

چلچل عليه الرُمّان النومي فِزعلّي

بدء بواسطة Paules, ديسمبر 28, 2017, 06:41:48 مسائاً

« قبل - بعد »

0 الأعضاء و 2 الضيوف يشاهدون هذا الموضوع.

Paules




  چلچل عليه الرُمّان النومي فِزعلّي   
=====================
الاغنيه يوجد فيها معاني لا يعرفها الكثير منا مخفيه وراء هذه الاغنية الجميلة .. وكلمة ( چلچل) كانت كلمه معروفه باللهجه العراقيه العاميه ولكن بالوقت الحاضر طبعا ما معروفه او ما مستعمله ومعناها ( انتشر ) او( خيم عليه ) ...

لذلك چلچل عليه الرمان معناها ( انتشر عليه او خيم عليه الرمان ) .. والشاعر هنا لا يقصد الرمان المعروف وانما يقصد الدوله العثمانيه أو الاستعمار العثماني يعني الذين كانو يحتلون العراق لأن اغلب السلاطين والموالي والباشوات العثمانيين كانو يلبسون على رؤؤسهم طربوش احمر بلون الرمان ..
وهنا يقصد بان الدوله العثمانيه او الاحتلال العثماني  منتشر بالعراق ومخيم عليه ...

ثم يكمل الشاعر ليقول (نومي فزعلي ) و النومي هنا يقصد به ايضا  هو الاستعمار البريطاني لان البريطانيين احتلو العراق خلال الحرب العالميه الاولى 1914 وطردو العثمانيين من العراق ... وطبعا بما انه الدوله العثمانيه كان اسمها اواخر ايامها (الرجل المريض) لذلك كانت احوال العراق سيئه جدا وطبعا الانكليز وعدو الشعب العراقي بتخليصهم من الاحتلال العثماني لذلك الشاعر ايكول (نومي فزعلي) لانه الانكليز بشرتهم بياض على صفار يشبه النومي الي هو الليمون المجفف ...

ثم يكمل الشاعر ليقول :
هذا الحلو ما اريده ودوني لأهلي ...

وهنا يقصد بان هذا اللانكليزي الحلو والاشكر مثل النومي طلع اسوأ من المستعمر العثماني اللي شبهه الشاعر بالرمان بالبيت الاول ... ويرجع ايكول ( ودوني لأهلي ) يعني يقصد ما يفيدنا غير اهلنا العراقيين لا العثماني ايفيدنا ولا الانكليزي ... ويقصد الشاعر بعد شي اخر وهو انه المستعمر العثماني اتبدل بالمستعمر اللانكليزي والحال نفسه من سيء الى اسوأ ..

ولذلك اشتهرت هذه الاغنيه اشتهار واسع وتعتبر من الاغاني الشعبيه الجميله والمعبره وفيها معاني سياسيه غير مكشوفه ولكن مكتوبه بشكل جميل جدا .. ومع الاسف اسم الشاعر لهذه الاغنيه لا يزال غير معروف بشكل صحيح وايضا هنالك اختلافات على اسمه بالكتب التراثيه العراقيه ..