رباط السالفة عليكم 23 - مطي طلع الاول على الصف

بدء بواسطة Paules, سبتمبر 03, 2018, 08:37:43 مسائاً

« قبل - بعد »

0 الأعضاء و 1 زائر يشاهدون هذا الموضوع.

Paules




توزعت النتائج بالمدرسة مال الغابة وصارت ضجة لأن ابن المطي طلع الأول عالغابة ... طبعا اذا أبوه المدير وأمه المعلمة ابن الفهد بدرسين ابن الثعلب باربع دروس بنت الغزالة بالرياضة وكلها طالعة اكمال..
التمت الحيوانات كلها وراحوا للمضيف مال الأسد دخلوا عليه لگوه مدنگ ودمعته بعينه لأن اللبوة هاينته علمود ابنهم طالع ب ٦ دروس رحب الأسد بيهم وكعدوا وسولفوا الفهد گال ابني اسرع الحيوانات والثعلب گال ابني اذكى الحيوانات والغزالة گالت بنتي احلى الحيوانات واحنا تعبانين وحاطين مدرسين خصوصي وتالي ابن المطي يطلع الاول عالغابة تقبلها يا ملك الغابة ؟ الأسد جر حسرة طويلة وگاللهم ... اخوان الجره عليكم جره عليه والشغلة لا بالذكاء ولابالسرعة ولا بالجمال ومن الله خلق الدنيا ابن المسؤول لازم يطلع اول حتى لو يغش يجيه قرار ويعيدوله الامتحان
لو چان مطي ابن مطي ابن مطية .