تحرير الأخبار:

تم تثبيت المنتدى بنجاح!

Main Menu

رباط السالفة عليكم 18/ حاكم جعفري

بدء بواسطة Paules, يوليو 23, 2018, 01:09:21 مسائاً

« قبل - بعد »

0 الأعضاء و 1 زائر يشاهدون هذا الموضوع.

Paules



  حاكم جعفري

ــــــــــــــــــــــــــــ




أكو واحد من اقاربي جان نصير بالحزب .. بال ٨٢ اخذوه جيش شعبي ودزوه لقاطع سربيل زهاب .. وره شهرين كالو فلان وكع بالأسر ..
بال٩٨ .. رجع للعراق .. وبما انه بعثي ، وجيش شعبي , فماكو داعي اكللكم بحجم  الدلال والونسه اللي سولفهه عن تعامل الجمهوريه ( الاسلاميه ) ويه الاسرى العراقيين واللي وحده منهن خلته لحد الان ماينام الليل الا أهله يجيبون جدر ويضلون يدكون عليه بالجفجير حتى يكدر ينام لان بالأسر متعود ماينام الا على انغام ال DG !! ..
المهم ..
هذا كرابتي .. يكول من سلمونه للعراق واستلمتنه السلطات العراقيه وصعدنه بالسيارات ، واحد من الاسرى العراقيين اللي صاعدين ويانه صاح افلح من صلى على محمد وآل محمد ..
يكول .. واحد من جماعتنه جره بزيج 3d وكله ليش ماتنجب وتاكل  نعل ، مو صارنه ١٦ سنه التوابين شوفونه محمد بالظهر الاحمر  !!
هاي السالفه .. تذكرني بالمقوله الشهيره (  الله اكبر ياعلي ، نريد حاكم جعفري ) واللي جان ينادي بيهه بعض العراقيين واللي شبعو من وراهه كتل ونتل ، لحد ما الله جبر بخاطرهم واستجاب لدعائهم وسلط عليهم الحاكم الجعفري ..
الغريب .. انه بعد ١٦ سنه من استلام الحاكم الجعفري لمقاليد الحكم بالعراق .. وعلى كد طيحان الحظ اللي شافوه على ايد ذولي الحكام صارو يهوسون ( الله اكبر ياعلي ، نريد حاكم كاولي ) !! ..