واحد اسمه. " عودة "

[Paules]

يكولون واحد اسمه عوده.. وحده من عيونه راحت بحرب ايران اثر شظيه فصار "كريم العين"..والدنيا ضاكت بيه وين مايروح يسمع عوده الاعور..هناك ومات والده ..اجو الناس يعزونه  ومن ضمنهم صديقه كرييم ..اكريم جايب اخوه وياه.وجان اخوه  عنده فضول مو طبيعي ..المهم كعد عوده بنصهم بين اكرييم واخوه الفضولي ..الفضولي شاف عين عوده جنها مغاره بلا فص..
فساله عمو هاي ليش عينك هيج ؟..جاوبه عوده عمو اتعورت بالحرب !!!
وساله مرة ثانية عمي هم توجعك ؟..اجابه عوده لاعمي متعلم عليها !!!
وساله مرة ثالثة زين اشلون اتشوف الناس بعين وحده ؟..اجابه عادي عمو !!
وساله لمن تسبح هم ماي ايطب بيها ؟..اجابه لاعمو احط كطنه !!!
وساله لمن تبجي هم يطلع دمع منها ؟..اجابه لاعمو مايطلع !!!
وساله هم ترمش عينك ؟...اجابه نعم عمو !!!
وساله لمن تنام تبقى مفتوحه عينك لو تنسد ؟...اجابه لاعمو تنسد !!!
وساله عمي تكدر تلظم الابره ؟..اجابه نعم عمو !!!اكدر !!!
وساله عمو  اشلون قبلت بيك مرتك  ؟...هنا عوده انتفض بشده
كاله ": ابن الطراك ..هسه انت عفت محروك اللشه "يقصدعلى ابوه"..وجلبت بعيني.....اي جاي تعزي لو اتباوع على عيني !!!!
......
رباط السالفه اني من فتحت عيوني اسمع الاستعمار والصهيونيه وحرب..
واجو الجماعه  كلما تحجي حجايه يكلك بعثي وعفلقي..
زين ولد الطراگ لا بلطتوا شارع لا بنيتوا مدرسة ...لاصناعه ..لازراعه ..لا تجارة ..... لا اصخام الصخمني .بس خمط وفرهود ولطم وشعارات !!!
لعد عفتوا ذني كلهن ومجلبين يوميه قانون ضد هالشعب المسكين واي واحد يندك بيكم صحتوا بعثي😒
اخاف احجي ويكولون عليه بعثي...مو لو مو مو؟....