المحرر موضوع: رباط السالفة عليكم. 15 بلد للبيع  (زيارة 207 مرات)

0 الأعضاء و 1 ضيف يشاهدون هذا الموضوع.

متصل Paules

  • مشرف
  • Hero Member
  • ***
  • Thank You
  • -Given: 53
  • -Receive: 21
  • مشاركة: 2281
رباط السالفة عليكم. 15 بلد للبيع
« في: يوليو 03, 2018, 08:43:37 صباحاً »
.  بيـع بلـــدً.   



ـــــــــــــــــــ

بلـــــــد للبيع .. لعدم التفرغ , ولدواعي الاحساس بالغربه ..
مواصفاته  :-
- مساحته  437 الف كم ,  واجهه 450 ونزال الف كم ..
- ممكن ( تقطيعه ) وبيعه بسهوله حسب الطلب , وممكن بنباع شلع قلع ..
- موقع البلد تجاري ويطل على ست دول .. واستثماري ..
- البلـد قديم , يعني سعره سعر كاع .. بس اذا لزمه واحد ابو مصلحه يسويه جنــه مال الله لان بنصه نهرين من الطول للطول , وبيه كومه مواصفات يدرن ذهب ..
- البلد من جانو اهله بيه جان حيل نظيف , بس أجروه لناس ( كاوليه ) حشه القاريء ولعبو بيه طوبه   ..
- البلد .. طابو ملك صرف , يعني لا زراعي ولا تجاوز .. ومال واحد ( دكتور ) , وسند مستقل مسجل بأسمه .. بس لأن الدكتور كبر , وعجز , وخرف , وبعد مايشوف ولا يسمع .. الاتفاق يصير ويه جوارينه اللي عدهم وكاله عامه مطلقه بالتصرف بيه وبيعه  ..
- كرفته حييييييل حلوه , وأهله من 5000 سنه عايشين بيه وشافو عليه كل الخير , وجوارينه ناس طيبين ويعجز اللسان عن وصفهم , ويموتون علينه ! ..
- البلد للبيع فقط مو للمراوس , والسعر قابل للتفاوض للجادين فقط .. ورحمه لوالديكم اللي مايريد يشتري لايعلق تعليقات تعبانه ويكسر بحلال الوادم ..
رقمنه مسجل بالاعلان وكاعـــــدين فايبر وواتس أب ..  ونتظر رحمة الله ..

#احمد_مكيه


« آخر تحرير: يوليو 22, 2018, 12:32:49 مسائاً بواسطة Paules »


Share me

Digg  Facebook  SlashDot  Delicious  Technorati  Twitter  Google  Yahoo

 


Back to top