لاتقامر بأبديتك
اخواني اليوم راح نحجي على القمار اكو ناس تحب القمار والربح وحتى الخسارة واكو ناس ما يحبون يخسرون اليوم اني اريد اكللكم العبوا قمار بكل شي بالحياة الا بالابدية مالكم لان الشغلة ما تتحمل خسارة الخسارة هنا يعني جهنم يعني ما تكدرون تعوضون ثاني يوم ومع الاسف الجميع حاليا دا يلعب قمار على الابدية ماله يعني ما دا يحاول يضمن الابدية من هاي اللحظة ودائما يلجئ الى التاجيل ولسان حاله يكول (... بعدني صغير وصحتي ممتازة وعندي وقت اعترف واتوب واتناول والله راح يقبلني ) صح مية بالمية الله راح يقبلك بس من يكول ما راح يجي زلزال وتموت بهاي اللحظة منو يكول ما تنام وما تكوم منو يكول ما تطلع من البيت وما ترجع لاي سبب هنا انت راح تخسر الابدية اذا بعدك انت ما متاكد انك بالداخل مع يسوع اليوم اسئل نفسك هل اني بالداخل لو بالخارج هل اني بهاي اللحظة اذا متت راح تكون روحي مع يسوع لو بالجحيم مع الخطاة لا تقامر بابديتك ابدا وفكر الجنة هواية احسن من بحيرة النار والكبريت الابدية.سلام المسيح يرعاكم