الايمان الحقيقي والايمان السطحي

[farajsaka]

في الموضوع السابق حجينا عن الصلاة المقبولة وغير المقبولة والدليل المقبول على وجود صلاة غير مقبولة هو الاية الشهيرة اش 1:15)    فَحِينَ تَبْسُطُونَ أَيْدِيكُمْ أَسْتُرُ عَيْنَيَّ عَنْكُمْ وَإِنْ كَثَّرْتُمُ الصَّلاَةَ لاَ أَسْمَعُ. أَيْدِيكُمْ مَلآنَةٌ دَماً) –اليوم راح احجي عن الايمان الحقيقي الذي ينقل صاحبه الى الملكوت والايمان السطحي الذي ينقل صاحبه  الى الهاوية وشلون  تعرف (تعرفين)نوع ايمانك --- مما لاشك فيه ان دخول الملكوت صعب وساذكر هنا بعض الايات عب 12:14 (اتبعوا السلام مع الجميع والقداسة التي بدونها لن يرى احد الرب ) يعني اذا ما توصل درجة القداسة لا تصدق تشوف الرب يسوع بالملكوت يعني باختصار ما راح تروح للملكوت . مت 7:13,14  (ادخلو من الباب الضيق فما اوسع الباب واسهل الطريق المؤدية الى الهلاك وما اكثر الذين يسلكونها لكن ما اضيق الباب واصعب الطريق المؤدية الى الحياة وما اقل الذين يهتدون اليها ) اذا طريق الملكوت صعب واكيد الرب يسوع ما يريد يخوفنا بس . مت 24:22 (ولولا ان الله جعل تلك الايام قصيرة –الايام الاخيرة- لما نجا احد من البشر ولكن من اجل الذين اختارهم  جعل تلك الايام قصيرة ) .
الشاب الغني سأل الرب يسوع شسوي حتى احصل على الابدية الرب يسوع قال احفظ الوصايا واذا اردت ان تكون كاملا روح بيع كل اللي تملك ووزعه على الفقراء  زين شنو هي الوصايا  في الحقيقة  كل ما منعنا عن عمله وكل ما دعانا الى عمله الرب يسوع والتلاميذ يعتبر وصية ابتداء من الوصية الاولى (مت22:37 احب الرب الهك بكل قلبك وبكل نفسك وبكل عقلك ) والثانية( مت22:39 احب قريبك مثلما تحب نفسك ) بالحقيقة الايمان الحقيقي قائم على حفظ جميع الوصايا واذا حفظتوا كلها ماعدا وحدة (بتعمد يعني تعمل الخطيئة عن عمد وبعرفة ) تهلكون يعني لو كل الوصايا لو ايمانكم ما راح يخلصكم (يع 4:17 لان من حفظ كل الناموس وانما عثر في واحدة فقط صار مجرما في الكل ) يعني يكفي انك تكذب حتى توصل لبحيرة النار او يكفي انك ما تحب كل الناس مثل نفسك واكثر حتى تهلك (1يو 3:10 كل من لايفعل البر فليس من الله وكذا من لايحب اخاه ) ويكفي انك تكون متكبر او مستعلي او شايف نفسك فد شي اكبر او احسن من باقي الناس البسطاء (مثل اغلب الاطباء واصحاب الشهادات والاغنياء واصحاب الكراسي )(لو 16:15 ان المستعلي عند الناس هو رجس قدام الله ) (من رفع نفسه وضعها ومن وضع نفسه رفعها ) .اذا صار واضح صاحب الايمان الحقيقي هو الانسان اللي يحفظ جميع الوصايا وما يعمل الخطيئة بتعمد لو كلف الامر حياته يعني ما يكذب لو يعرف يموت مو لخاطر جم دينار يكذب . اضف الى ذلك انه صاحب الايمان الحقيقي ما يخاف ابدا وسلام المسيح ساكن داخله ما يخاف من الموت اطلاقا بل يشتهيه لان متاكد ان الموت هو الذي سيجعله يلتقي بالمسيح والعذراء مريم وباقي القديسين . وايضا يكون المسيح دائما في فكره ويحاول ان يكلم كل من حوله عن الايمان والخلاص . اخيرا احب اتكلم عن التوبة  شوية  الرب دائما خلى باب العودة مفتوح (ارجعوا الي ارجع اليكم ) ولكن مو التوبة والاعتراف  التقليدي اللي كلكم تعرفوا واللي نشوف الناس يقبلون عليه قبل عيد القيامة  انت من تقرر التوبة لازم تكون حقيقية يعني بعد ما اتوب عن كل الخطايا وتتناول لازم بعد ما تتعاطى الخطيئة اطلاقا وتعيش حياة مسيحية حقيقية مع الرب يسوع  مو منا اعترفت وبعدها رحت تسكر بالليل  اكو ناس اخواني ابد ما راح يشوفون اورشليم السماوية بعيونهم وهم
مملوئين من كل اثم وزنى (زنى الفكروالالكتروني-النت- ايضا)وشروطمع وخبث مشحونين حسدا وقتلا وخصاما ومكرا وسوء نمامين مفترين مبغضين الله ثالبين متعظمين مدعين مبتدعين شرورا غير طائعين للوالدين بلا فهم ولا عهد ولا حنو ولا رضى ولا رحمة الذين اذا عرفوا حكم الله ان الذين يعملون مثل هذه يستوجبون الموت لايفعلونها فقط بل ايضا يسرون بالذين يعملون (رومية 1:29-32).
اما تعرفون ان الظالمين لا يرثون ملكوت الله ؟ لاتخدعوا انفسكم فلا الزناة (زناة الفكر ايضا) ولا عباد الاوثان (محبين المادة) ولا الفاسقون ولا المبتلون بالشذوذ الجنسي (الجنس الالكتروني والنت) ولا السارقون ولا الفجار ولا السكيرون (اللي ينصبون المزة والبيك يومية ) ولا الشتامون (اللي يسبون شلون اللي يكفرون ) ولا السالبون (اللي تجارتهم حرام) يرثون ملكوت الله(1كو 6:9,10 ).
اسف للاطالة وسلام المسيح معكم يا اخوتي الى الابد

[walaa]

شكرا الك  نطلب من الله ان يزيد ايماننا اكثر