هم رجعنا على سالفة الانتخابات

[Paules]

اكو حراميه ثلاثه واحد يبوگ هوش والثاني يبوگ غنم والثالث يبوگ دواب..أعلنوا توبتهم گدام الناس
فالوادم امنت وخلت حلالهه تايه خذولهم چم يوم ماكو شي ..بعدين آنباگت هايشه ركضوا على حرامي الهوش حلف الف يمين ما بايگ الهايشه
ثاني يوم انباگت نعجه وطفلهه ركضوا على حرامي الغنم نفس الشي هم حلف
ثالث يوم إنباگ شفج ركضوا على حرامي الدواب هم حلف..
بعدين الشيخ وده واحد من غير ديره يطب وياهم ويشوف شنو السالفه
رجع الزلمه اللي وداه الشيخ ...تدورن شلگه ؟
لگه حرامي الهوش فعلا تايب من بوگ الهوش بس صاير حرامي دواب وحرامي الدواب صاير حرامي غنم وحرامي الغنم صاير حرامي هوش..
يعني مغيرين اختصاصهم ومسوين تحالف جديد..

-
ورباط السالفة عليكم. ..


منقول