كيف تتكلم لاهوتيا ؟
ابدء باسم الاب الغير محدود والابن الذى خلق به الوجود والروح الاقدس الذى على وجه الغمر يسود الاله الاوحد امين
سلام ونعمه ربنا يسوع المسيح كلمه الاله المتجسد فلتكن مع جميعكم امين
كمسيحيين احيانا بنقول الفاظ هى مش دقيقه لاهوتيا واحيانا فيها اخطاء بس لاننا مسيحيين ففاهمين كويس اوى معنى الكلام ده
لكن فى ناس ما بتفهمش الالفاظ دى وبيلتبس عليها المعانى
كيف تكون مصطلحاتى دقيقه لاهوتيا
احب ابدء بالبسمله المسيحيه ( بسم الاب والابن والروح القدس )
خطأ شائع ( بسم الاب والابن والروح القدس اله واحد امين )
الصيغه الاصح هى ( بسم الاب والابن والروح القدس الاله الواحد امين )
ايه الفرق بين اله واحد والاله الواحد
ال التعريف هنا بتعرف على انه الاله الوحيد الموجود مفيش اله غيره ( عشان نقطع اى شك على اى حد يقول ان احنا بنعبد 3 الهه )
طبعا اللى بيقول دى او دى مش غلطان لكن زى ما قلت احنا بنسعى عشان تكون الفاظنا دقيقه لاهوتيا
ثانى ملحوظه ( المسيح هو الله )
جمله غير دقيقه لاهوتيا لان سيدنا المسيح هو كلمه الاله المتجسد مش هو الله طبعا
اختزال ربنا كله فى لفظ المسيح غلط لان المسيح هو كلمه الاله الظاهر فى الجسد
ثانيا المسيح مش هو الاله فى الحاله اللاهوتيه الكامله بدون ناسوت عشان كده من الخطأ ان احنا نقول ان المسيح هو الله لكن الاصح نقول انه كلمه الله المتجسد ونحط مليون خط تحت كلمه متجسد
نعمه مخلصنا و ربنا يسوع المسيح فلتكن مع جميعكم
والمجد كل المجد للالهنا الاوحد الذى اعطى عبيده علم معرفته