هناك يكون البكاء وصرير الاسنان

[farajsaka]

اخواني --اخواتي اليوم راح احجي عن الاية اللي تكول هناك يكون البكاء وصرير الاسنان
السيد المسيح كال هذا الكلام ومن يكول يسوع شي لازم يصير (صح ) يسوع المسيح راد ينبهنا راد يحذرنا انه من يجي المجئ الثاني بعد ما يفيد الندم يكون كل شي قد انتهى وباب التوبة قد اقفل -- مثل ما صار ايام نوح واللي صار كان رمز للي راح يصير ايام مجئ المسيح للمرة الثانية اللي صار انه نوح بقى يحذر الناس من الطوفان مدة 120 سنة تقريبا تدرون كم واحد صدق كلام نوح ولا واحد ولا واحد ما قبل يدخل الفلك اخير شي بعد الحاح نوح كالوا ميخالف راح ننصب خيم هنا يم الفلك ومع اول قطرة مطر تنزل ندخل الفلك ولكن اللي صار انه مع اول نقطة مطر الباب مال الفلك انقفل ولا نوح كدر يفتح الباب ولا الناس اللي برى والكل غرقوا بالطوفان وكان هناك البكاء وصرير الاسنان ونفس الشي راح يصير بيك وراح يصير بيج اذا ما دخلتوا الى فلك السيد المسيح من هسة وحفظتوا الوصايا جميعها بلحرف الواحد واذا ما امتلئت قلوبكم من المحبة الحقيقية لاعدائكم ومبغضيكم قبل اصدقائكم ومحبيكم --- اليوم السيد المسيح ماددلك ايدة ويكلك تعال ادخل الى مملكتي وانت ما زلت معنت راجع نفسك اخي اختي العزيزة لا تصدقني انا لا شي انا ما افهم اي شي صدق المسيح وكلام المسيح وحكم عقلك ( اليوم انت عايش يمكن باجر تموت ويمكن بعد ساعة محد يدري )ترى باب الفلك من ينسد راح يكون البكاء وصرير الاسنان --- زين لاتخاف على نفسك خاف على اولادك وبناتك عذابك في الجحيم راح يتضاعف من تشوف اولادك وبناتك معاك في نفس بحيرة النار والكبريت المعدة لابليس وجماعته وهو يتعذبون وانت تشعر انه انت السبب وانه كان بالامكان تنقذهم وتخلص ارواحم --- اتمنى كلامي يكون خفيف عليكم مع انه فيه شوية قسوة بس المثل يكول امشي وراء اللي بيجيك مو وراء اللي يضحكك -- تحياتي الكم في اي مكان والرب يرعاكم ويحفظكم.