الإتحاد السرياني يكرم وسائل إعلامية

[برطلي دوت نت]

الإتحاد السرياني يكرم وسائل إعلامية

أقام حزب الإتحاد السرياني حفلا في مطعم ديوان السلطان في الأشرفية مساء الخميس، حيث تم تكريم أربع وسائل إعلامية هي تلفزيون الـ mtv، صحيفة "المستقبل"، إذاعة "لبنان الحر" الموقع الرسمي لـ"القوات اللبنانية" الإلكتروني، بحضور رئيس مجلس الوزراء سعد الحريري ممثلاً بالنائب هادي حبيش، رئيس الهيئة التنفيذية في "القوات اللبنانية" الدكتور سمير جعجع ممثلاً بالقيادي في الحزب ادي ابي اللمع، وزير الاعلام طارق متري، الوزير جان اوغاسبيان، النائب دوري شمعون رئيس حزب الوطنيين الاحرار ممثلاً بالدكتور كميل الفريد شمعون، المطران جورج صليبا راعي ابرشية جبل لبنان للسريان الارثوذكس، الارشمندريت عمانوئيل يوخنا راعي الطائفة الآشورية، اللواء أشرف ريفي مدير عام قوى الامن الداخلي ممثلاً بالعقيد الركن الياس نصرالله حبيب رئيس تحرير ورئيس الجهاز الاداري لمجلة قوى الأمن، الاستاذ طوني ابي نجم رئيس تحرير موقع القوات اللبنانية الالكتروني، الاستاذ جورج بكاسيني عن جريدة المستقبل، الاستاذ انطوان مراد مدير عام اذاعة لبنان الحرّ، الاستاذ غياث يزبك مدير البرامج السياسية في محطة الـMTV، الاستاذ باسل الخطيب عن تلفزيون المستقبل، الكسندر بريدي رئيس اقليم الاشرفية الكتائبي، حركة التغيير ممثلة بالاستاذ ايلي رفّول، السيد بلال حمد رئيس بلدية بيروت ممثلاً بالسيد جورج خوري، الاستاذ اميل عليّة  امين الاعلام في حزب الوطنيين الاحرار ورئيس تحرير موقع احرار نيوز، الاستاذ غسان عبد القادر عن موقع 14 آذار الالكتروني، السيد عبدو الاسمر عن موقع Siyese.com، وعدد كبير من الإعلاميين من وسائل مرئية ومسموعة ومكتوبة، وأعضاء البلديات والمخاتير.

افتتح الحفل بالنشيدين اللبناني والسرياني، ثم كانت كلمة لأمينة الشؤون الداخلية في حزب الإتحاد السرياني المختارة ليلى لطّي التي شددت على أن قضية الإعلام هي الوحيدة التي تكبر في زمن الثورات الحاصلة في الدول العربية وركزت في كلمتها على الوسائل الإعلامية التي يتم تكريمها متحدثة عن مميزاتهم وموضوعيتهم في نقل الأخبار.

ثم كانت كلمة لرئيس حزب الإتحاد السرياني ابراهيم مراد، أكد فيها ان الإعلام ليس سلطة رابعة، بل السلطة الأولى لأن الإعلام ينقل مشاكل الناس ويترجمها ليبين عيوب وشوائب القوانين والتشريعات، وبالتالي فهو يؤثر على الرأي العام الذي بدوره يفرض حال تغيير في السلطة التشريعية من خلال مجلس النواب.

وتحدث مراد عن الدعوى التي أقامها اللواء جميل السيد ضد حزب الإتحاد السرياني، فقال ان "ما يهمنا هو الإعلام غير المرهون، والإعلام الحر وليس صوت بعض أزلام عهد الوصاية الذي لا يوفر فرصة إلا ويوظف ممارساته السابقة وآخرها الدعوى المقدمة ضدي شخصيا تحت كليشيه "قدح وذم ".
وأضاف: "يبدو أن السيد "فايق ورايق" وهو شاطر بتركيب الملفات والتفتيش عن أخبار من هنا وهناك ويطالبني الآن بـ 75 مليون ليرة عطل وضرر لأننا بحسب قوله أهنّاه عندما دافعنا عن احدى الوسائل الاعلامية التي هو كان البادئ في التهجم عليها".
وتابع: "يعتبر السيد  واتباع النظام السابق بأنهم يستطيعون إسكات القلم واغتيال الاعلام الحر، ولكننا نقول له اننا سننزل الاربعاء القادم الى المحكمة لأن ايماننا كبير بالقضاء ويجب عليه ان يعرف ان صوتنا لن يخفت وهذه الدعوى ستكون حافزا للكثير ليضموا صوتهم الى صوتنا ونقول له "يا جميل توقيتك وحساباتك مش ظابطة هالمرّة ما التغيير طايل الكل وفهمك كفاية".
ثم قدم مراد والوزير متري دروع التكريم لكل من الاستاذ طوني ابي نجم رئيس تحرير موقع القوات اللبنانية الالكتروني، الاستاذ جورج بكاسيني عن جريدة المستقبل، الاستاذ انطوان مراد مدير عام اذاعة لبنان الحرّ والاستاذ غياث يزبك مدير الأخبار والبرامج السياسية في محطة الـMTV.
كلمة مراد كاملة:
بيقولو الاعلام سلطة رابعة، نحنا بنقول الاعلام هو السلطة الاولى.... ليش؟

اولاً:

الاعلام بينقل مشاكل الناس من ارض الواقع وبيترجما ليبيّن

عيوب وشوائب القوانين والتشريعات وبالتالي بيأثّر على الرأي

العام يللي بدورو بيخلق وبيفرض حالة تغيير تشريعية من

خلال مجلس النواب اي  السلطة التشريعية.

تانياً:

الاعلام بينبش ودايماً انطلاقا من ارض الواقع ومش من ادراج

المكاتب، بينبش القوانين والمراسيم والتشريعات المنسية او

المتناسية والنايمة او الغايبة بغيبوبة مقصودة او مهملة لغاية

بنفس يعقوب يمّا لانعدام حس المسؤولية عند البعض اللي

ائتمن على مصالح الناس.... هون بيلعب الاعلام الدور

الاساسي من خلال احياء الميت ويمكن بتقوم القيامة وما

بتقعد الاّ ما الاعلام يتأكد من وضع القوانين حيّز التنفيذ. هيدا بالنسبة للي بيتسمى السلطة التانية.

تالتاً:

بالنسبة للسلطة التالتة، الاعلام بيخلق تسونامي ما بيهدا

بيطيح براس الكبير والصغير وما عندو خطوط حمر لأنو ما

بيآمن الاّ بخط احمر واحد "وجع الناس" وهون كمان بيلعب

الاعلام دور مقدّس دور اكبر من التشريعات وتنفيذا، دور

الساهر والضامن لحقوق المعترين والفقرا والمظلومين والصغار

قبل الكبار وللي ما عندو واسطة وضهر ... يعني بنقدر نقول

بالمعنى الدارج هو السند والضهر لمّن بتجور الايام عا اصحاب الحق.
انا مش عم بحكي شعر ،، عم بحكي حقيقة وواقع يمكن لمسنا نحنا كحزب اتحاد سرياني ببعض المطارح اكتر من غيرنا لمّن جرب البعض يعتّم عا قضيتنا، وقف الاعلام حدنا من اول بداياتنا لمّن كنا كتير صغار وكمّل معنا وما تركنا بكل المراحل اللي مرّينا فيا وضَوّا بقوة عا مسيرتنا انطلاقا من ايمانو بأنو قضيتنا محقة، قضية شعب مغبون سياسيا بكل المطارح. قضية شعب قدّم اكتر من الف شهيد بسبيل الوطن وبعدون بيسمونا اقليات.
وهون بخص بعض الوسائل الاعلامية بالتقدير الكبير لجهودا اكتر من غيرا،،،  بس مش يعني باقي الوسائل لا تشكر على جهودا ودورا الفاعل بالمجتمع اللبناني ولكن ،، كان حظنا مع البعض اوفر، فالـ mtv   ولا مرّة ما غطت حدث لألنا وعاطول بيستضيفونا ببرامجن السياسية، وجريدة المستقبل يمكن ،، لو كنّا حزب غني كانو اتهمونا انّو عنّا اسهم فيا لأنو اخبارنا عاطول عا صفحاتا وبالخط العريض.
وما بننسى الاذاعة اللي فعلاً اسما عا كسما "اذاعة لبنان الحر" يللي بتواكبنا بكل حدث صغير وكبير وما بتتعب منّا ،، وبتكلل عطول اخبارنا المكتوبة والمرئية عبر اثيرا لحتى تكمّل تغطيتنا للمستمعين.
واكيد اكيد شهادتنا مجروحة برفاق الدرب والقضية، يللي بيغطو معظم اخبارنا حتى اذا نحنا شي مرّة ما طلبنا ننشر خبر هني بياخدو المبادرة بنقل وتغطية كل حدث لألنا، للموقع الالكتروني بالقوات اللبنانية بنوجّه تحية وشكر.
انا اليوم مش رح احكي سياسة،
اليوم رح نقلب الادوار ورح احكي بس اعلام
رح نقلكن انو نحنا كسياسيين بندين لألكن بالحبر مش عا ورق،،،،
بالحبر اللي بيختصر الاف المسافات وبيعبر القارات وبيجّسد قضايا شعوب وبيحمل الدم والشهادة عا قلب البيوت،،،،
الحبر ل بغيّر انظمة دول وبيطيح بديكتاتوريات
حبر الثورات اللي عم بيحرّك اليوم قضايا شعوب الشرق الاوسط
الحبر ل ما بيميّز بين دين وعرق ولغة وشعب
هيدا الحبر يللي تحوّل بكتير من الاوقات لدم والاسماء كتيرة شو بدنا نعد تنعد من شهدا الصحافة من عهد الاستقلال الاول لشهدا الصحافة بالاستقلال التاني من سليم اللوزي ومصطفى جحا لجبران تويني وسمير قصير.... واللايحة طويلة.
كل اللي بدي قولو متل مالاعلام حامل قضيتنا،  نحنا واجبنا نحمل قضيتو ونحافظ عا كرامتو وعا استقلاليتو وعادورو المقدس وما نحجّمو عا قد قياس بعض السياسيين.
نحنا بنعرف اليوم متل ما في اعلام مرهون في اعلام حر عم يجربو يقمعو ويرَهبو بكل الوسائل حتى التصفية الجسدية، لهل اعلام بنقول صوتكن هوّ ل بيهمنا ومش صوت بعض ازلام عهد الوصاية يللي مش عم يوفرو فرصة لَ يوظفو ممارساتن السابقة وآخرا ومش اولا اكيد موضوع الدعوى اللي قام فيا اللواء جميل السيد ضدي شخصيا تحت كليشيه "قدح وذم " هيأتو فايق ورايق وطبعا متل ما بتعرفو شاطر بتركيب الملفات والتنبيش والتبقبش عن خبريات من هون وهونيك وهلأ قال بدو مني 75 مليون ليرة عطل وضرر لأنو نحنا قال هنّاه لمّن دافعنا عن احدى الوسائل الاعلامية اللي هو تهجّم وادّعا عليا اساساً.

بيفكر هو واتباع النظام السابق انو بيقدرو يسَكتو القلم ويغتالو الاعلام الحر. بس نحنا بنقول من هالمنبر لجميل السيد نحنا نازلين نهار الاربعاء الجاي عالمحكمة لأنو ايمانا كبير بالقضاء وأوعا تفكر انو صوتنا رح يخف بالعكس هالدعوى رح تكون حافز لكتير من الرفاق لَيضمو صوتن لصوتنا وبنقول يا جميل توقيتك وحساباتك مش ظابطة هالمرّة ما التغيير طايل الكل وفهمك كفاية.

اخيرا بنقول:

متل ما الآب بالسما ارسل الابن من خلال الروح القدس،،،

هيك القضايا الانسانية بتعيش بين الشعوب من خلال الاعلام الحر.

يعيش أهل الكلمة الحرّة وحاملي مشعل الديمقراطية 

لحتى يبقى لبنان وطن الرسالة بالشرق.

[/url

]

http://www.ishtartv.com/viewarticle,36135.html