• Welcome to منتديات برطلي.
 

علاقه الكوستر بالسمنت

بدء بواسطة ماهر سعيد متي, يونيو 15, 2013, 10:44:33 صباحاً

« قبل - بعد »

0 الأعضاء و 1 زائر يشاهدون هذا الموضوع.

ماهر سعيد متي

علاقه الكوستر بالسمنت  

mozahem tawfeek--------------------------------------------------------------------------------

كان صديقي الشاعر الشعبي سعد الصافي ( سيد سعد) يزورني كلما جاء الى بغداد , وفي احدى االزيارات اراد ان يعرفني بصديقه رعد الدباغ الذي اثنى على اخلاقه ودماثته وخفه ظله , فذهبنا معا الى بيته وعند وصولنا استقبلتنا زوجته وبعد السلام قالت ان رعد ( ديفور) الكهرباء مقطوعه , استقبلنا الاخ رعد بوجه مكفهر وبيده مهفه يلوح بها الينا بعصبيه وكاننا وزير الكهرباء والنفط, اردنا ان نخرجه من وضعه فاقترحنا عليه ان نغادر لنتعشى في مطعم .
وافق بدون تردد ولكن بشرط , اجبناه قول , قال للسيد سيد انت توخر على صفحه القضيه بيني وبين اخونا ابو معد , ( لو هو يعشينا لو اني ) .... احجيله سالفه اذا كدر يسولفها مثل ما اني حجيتها اعشيكم واذا ما كدر هو يعشينا . فوافقت ... وجتي السالفه
قال , اول شي تعرف شنو العلاقه بين الكوستر والجيمنتو
اجبت لا ما اعرف
اكيد ما تعرف لانك مو كردي , خمنت انه سوف يحكي نكته على الاخوه الاكراد .
قال , مره واحد كردي قدم حاله من حال بقيه العراقيين للمخابرات , وكان مستوفي لكل الشروط وصفحته بيضه , فقبلوه للدعايه واعتقدو انو راح يرسب لان الدراسه بالعربي وصعبه , لكن الاخ فاجأهم وطلع الاول , من شافو السالفه صارت صدق تندموا وكالو هاي شلون ورطه , شلون نخلص منه , وصلت السالفه للمدير , فكر يسويلهم امتحان شفهي يطرح على كل واحد سؤال , ومن يسال الكردي راح يساله سؤال ما اله جواب ويعتذرون من عنده لانو رسب بالامتحان الشفهي ويحطوله طابع.
طبقوا الخطه , من اجا الكردي ساله المدير بعد ما شكره عاى نتائجه الممتازه , شنو العلاقه بين الكوستر والجيمنتو , وكان المدير ينتظر جواب مثل جواب الاخ ابو معد , لكن الكردي ابتسم وقال بثقه , هاي سهله سيدي
المدير كله شلون سهله , بدا الكردي يشرح
الجيمنتو ماده انشائيه , المدير صحيح
البورك هم ماده انشائيه ... المدير اجاب صحيح
بس البورك ايضا اكل .....صحيح
الكبه ايضا اكله ..... صحيح
بس الكبه هم عائله عراقيه ( بيت كبه) ..... اي صحيح
كبه عائله عراقيه وبنيه عائله عراقيه ..... صحيح
بس البنيه سمكه ..... صحيح
البنيه سمجه والقرش هم سمجه .... صحيح
بس القرش يقتل .... صحيح
القرش يقتل والمسدس هم يقتل.... صحيح
بس المسدس شكل هندسي .... صحيح
المسدس شكل هندسي والدائره هم شكل هندسي
صحيح
بس اكو دوائر حكوميه .... صحيح
اكو دائره حكوميه واكو منشاه حكوميه ... صحيح
بس المنشأه سياره... صحيح
المنشأه سياره والكوستر سياره , ,, عرفت شلون سهله العلاقه.
قال رعد , يلا ابو معد عيدها , فعدتها تماما كما سردها ,,,, ودفع الحساب.

المصدر : http://www.karemlash4u.com/vb/showthread.php?t=190608
مقولة جميلة : بدلا من ان تلعن الظلام .. اشعل شمعة