شرح الامثال في واقع الحال ,بسامير ج 2
شوفوني نجوم الضحى = خطط امنية خمس نجوم
عامي شامي = رصاصات الجيش والشرطه
شتحط الها وتطيب؟ = الوضعية الامنية
شعره من جلد خنزير = الحصة التموينية
شعيط ومعيط وجرار الخيط =حثلكية يقررون مصير العراق
الركعه زغيره، والشك جبير = توحيد صفوف الكتل والاحزاب العراقية
شكينا الدف، وبطلنا الغنه = بعنا بيوتنا وسافرنه
شوفته حزن، وفراكه عيد= سيطرات العلاسه
شافنا سود عباله هنود=عله اكو ديمقراطية وحرية
صار تاليها انكس من اولها = والحمد لله
الصبر مفتاح الفرج = حتى المفتاح مولس
الطبيعة تغلب التطبع = كركوك عربية
طرطميس لا جمعه ولاخميس =الجامعه العربية
طماطه، ترهم بكل جدر = تغيير التشكيلة الحكومية مجرد مداورة اسماء
عادت المياه الىمجاريها = دولة القانون راح يتحالفون وية الائتلاف الوطني
علج المخبل ترس حلكه=عدد حماية المسؤلين
عند البطون تعمهالعيون= مجلس البرلمان من يردون يلغفون
غاب القط ، العب يا فار= غياب الرقابة المالية
غاسل وجههابوله = مستشار الامن القومي
فص ملح او ذاب= فلوس النفط
فوك حكة دكه = يخطفون وياخذون فدية ويكتلون
كل لشه تتعلك من كراعينها = الاحزاب السياسية
الميعرف يركص يكول الكاع عوجة = تبرير سوء الاوضاع بوجود الارهاب
كومه حجار ولا هل الجار= ايران
ياكلون تمري ويضربوني بالنوة = الاشقاء العرب
يشتري من عدّنا ثلج و يبيعلنا مّي بارد = كل الدول المجاورةياخذون نفطنة المبيوك ويبيعولنة بنزين
تالي الليل تسمع حس العياط = لازم تنكشف البوكات
/www.qalbaliraq.net